Anglııa bıligi «plastmassaǵa qarsy soǵys» jarııalady. Osy jobanyń aıasynda bir ret qoldanylatyn plastıkalyq as quraldaryna, ydystarǵa tyıym salynbaq.
Bılik ókilderi bul qadam qoqysty azaıtýǵa, muhıttardaǵy plastıkalyq qaldyqtardyń mólsherin tómendetýge septigin tıgizetinin aıtyp otyr. Kúzde osy bastama boıynsha talqylaý júrmek. Biraq úkimet tyıym salý aıasy keńeıýi múmkin ekenin de joqqa shyǵarmady.
Biraq qorshaǵan ortany qorǵaý belsendileri muny da synǵa alyp otyr. Olar tabıǵatty saqtap qalý úshin shuǵyl ári keń kólemdi sharalar qajet ekenin alǵa tartady. Anglııanyń mundaı qadamǵa barýynyń sebebi bar.
Shotlandııada, Ýelste jáne Soltústik Irlandııada bir ret qoldanylatyn plastıkalyq as quraldaryna tyıym salynǵan. Eýropalyq odaq shildede osyndaı qadamǵa bardy. Osylaısha, Anglııa da solardyń izimen júrmek.
Ortasha eseppen Anglııada ár adam jyl saıyn bir ret qoldanylatyn plastıkalyq ydysty 18 márte jáne plastıkalyq as quraldaryn 37 márte paıdalanady.
Qorshaǵan ortany qorǵaý týraly zań ázirge Parlamentte jatyr.